KaYa Admin
عدد المساهمات : 94 نقاط : 245 السٌّمعَة : 0 العمر : 27 المزاج : رااااايق
| موضوع: انا تعبان !! الأحد مايو 08, 2011 7:14 am | |
| . .
. .انا تعبان !!
.لو هاخد صدمة جديدة .. يبقي أستاهل مهو شكلي مش هتعلم بالساهل الذوق خلي الحال في النازل وتعبت .. ولا حدّش سائل
كام مره قلت لنفسي هآخد بالي ؟ كام مرة قلت لقلبي .. خليك غالي وغلبت أقوله إن الدنيا عكس حالي معرفش إيه اللي بيجرالي
بآخد الصدمة ..تاني يوم أنسي زي ما أكون معرفتش لسه إن الطيب مبقاش له مكان .. لازم يعني أدوق واتبهدل ؟ طب مانا مبحسش بأمان
كل ما يتهيألي حاجات أجري وأقول إني عرفته دي علاقة .. مجرد إخوات ودي غلطتي إن أنا صدقته وأرجع كالعادة .. ندمان
يعني أنا غلطان إني بصدّق جوايا حاجة بتحب وتعشق وإن البحر عمره ما غرّق حد محتاجله .. وعطشان
يعني أنا غلطان ؟ لما بعامل الناس بالطيبة وبشوف فيهم حاجة غريبة إزاي بيقابلوا المحتاج ؛ بالحرمان ؟
شكلها عملوها اتفاقية كل اللي أعرفه .. يجرح فيا واللي أطمن له .. يغدر بيا وأنا مش دريان
والله يا ناس أنا تعبان نفسي أعرف مين الغلطان ؟ يعني أكتب ورقة كبيرة عليها بيان "من فضلك .. إنت متعرفنيش استني .. داحنا ما بيننا مفيش مغصبتكش إنك تعرفني وعشان خاطري بلاش تجرحني أنا ممكن أبعد وأسيبك .. وأنا مش ندمان لو قلت لي أمشي ..أنا همشي والله ما زعلان " بدل ما تسبب لي جرح إنت كمان
ربنا عارف إن أنا إنسان ساعات مخنوق وساعات مبسوط وبسرعة تفوت وأرجع متضايق طهقان والكون مبيبقاش له ألوان
مش لاقي كلام يوصف حالتي غير "أنا تعبـان" ♥ .
. . .. | |
|